Nafarroako Ultzama bailaran jaio zen gure familia enpresa, Ziganda eta Galain familiek 1996an sortuta. Postres Ultzaman ardien zaintza tradizionalean eta esneki autoktonoak eta kalitatezkoak eskuz egiten espezializatuta gaude.
Artzain-familia batetik gatoz, eta haurtzarotik ikusi dugu gure gurasoek eta aitona-amonek nola egiten zuten gaztanbera, antzinako usadioan, ardi-esnearekin eta gatzagi naturalarekin.
Bailararekiko dugun lotura eta dedikazioa da gure nortasunaren ezaugarria, eta haren irudia indartzen dugu Ultzama zaporea duten postre paregabeak eginez.
"Bailararekin dugun lotura eta dedikazioa gure nortasunaren ezaugarria da, eta haren irudia indartzen dugu Ultzama zaporeko postre paregabeak eginez".
Antzina, ardi-esnea jetzi eta urki-zurezko ontzi batean (kaiku) biltzen zen, eta esne hori irakiteko, egurrezko ontzia zuzenean sutan jartzerik ez zegoenez, harri goriak (esne harriak) erabiltzen ziren, esnea irakinaraziz isurtzen zirenak. Horrela, erre-aroma eta -zapore (kizkilurrin) berezi hori lortzen zuten.
Postres Ultzamak, tradizioarekin jarraitzeko, kizkilurrin zapore hori duen ardi-esnea prestatzen du, etxean bertan gaztanbera tradizionala egin dezazun .
Postres Ultzamaren sekretua gure ardi-esnea da, ez baitu kontserbagarririk ezta gehigarririk. Horregatik, gure artalde propioa dugu, urte osoan egunean bitan jezten duguna.
Gure ardi latxak bailaran aire zabalean bazkatzen dira. Larre horiek ardien elikadura naturala eta gure postreen kalitatea bermatzen dute.
Gure instalazioetan 100eko ardi-esne pasteurizatu eta homogeneizatua ekoizten dugu, baita esne horren deribatuak ere: gaztanbera, jogurta, izozkia eta gazta.
“Emaitza gisa, etxeko postreak ardi-esne fresko eta jetzi berriarekin egitea lortzen da, ingurumena zainduz”.
N-121-A, km 25, 31798 Lantz, Navarra
948 30 72 77
info@postresultzama.com
